ویٹیکن سٹی
عالمی سطح پر پوپ لیو کی صحت کے حوالے سے اہم اور تشویشناک خبر سامنے آئی ہے۔ اطلاعات کے مطابق پوپ لیو پھیپھڑے کے کینسر میں مبتلا ہو گئے تھے، جن کی صحت یابی کے لیے ایک اہم اور پیچیدہ سرجری کامیابی سے انجام دی گئی ہے۔ذرائع کے مطابق سرجری کے دوران ڈاکٹروں نے کینسر سے متاثرہ حصے کو مزید پھیلنے سے روکنے کے لیے ان کے داہنے پھیپھڑے کا ایک حصہ نکال دیا ہے۔ طبی ماہرین کا کہنا ہے کہ یہ سرجری انتہائی احتیاط کے ساتھ کی گئی ہے اور فی الحال ان کی حالت خطرے سے باہر بتائی جا رہی ہے۔اس طبی عمل کے بعد پوپ لیو کو ڈاکٹروں کی زیر نگرانی خصوصی وارڈ میں منتقل کر دیا گیا ہے جہاں وہ تیزی سے صحت کی طرف گامزن ہیں۔ دنیا بھر میں ان کے عقیدت مندوں اور پیروکاروں کی جانب سے ان کی مکمل صحت یابی کے لیے دعاؤں کا سلسلہ جاری ہے۔