ڈھاکہ (مانیٹرنگ ڈیسک)
بنگلادیش میں بھیک مانگ کر گزر بسر کرنے والا 35 سالہ شخص 21 شادیوں کے حیران کن دعوے کے باعث سوشل میڈیا پر وائرل ہو گیا۔مقامی میڈیا رپورٹس کے مطابق "مورو میاں” نامی شخص کا دعویٰ ہے کہ اس کی 21 بیویاں ہیں، تاہم حیرت انگیز بات یہ ہے کہ اسے اپنی تمام بیویوں کے نام بھی یاد نہیں۔مورو میاں نے بتایا کہ اس نے کبھی کسی خاتون کو شادی کی پیشکش نہیں کی بلکہ خواتین خود اس کے پاس رشتہ لے کر آتی تھیں اور وہ کسی کو بھی انکار نہیں کر پاتا تھا، جس کے باعث شادیوں کی تعداد 21 تک جا پہنچی۔حیران کن طور پر 21 شادیوں کا دعویٰ کرنے والا یہ شخص آج بھی ایک کمرے کی جھونپڑی میں مقیم ہے اور اپنے خاندان کا پیٹ پالنے کے لیے بھیک مانگنے پر مجبور ہے۔واضح رہے کہ مورو میاں کے اس وائرل دعوے کی فی الحال کسی بھی آزاد ذریعہ سے تصدیق نہیں ہو سکی ہے۔