سیالکوٹ (سلیم احمد اعوان شیخو سے)
محکمہ اینٹی کرپشن اسٹیبلشمنٹ سیالکوٹ نے جوڈیشل مجسٹریٹ کے ہمراہ بڑی کارروائی کرتے ہوئے پٹواری کو شہری سے 50 ہزار روپے رشوت لیتے ہوئے رنگے ہاتھوں گرفتار کر لیا۔تفصیلات کے مطابق اینٹی کرپشن اسٹیبلشمنٹ سیالکوٹ کے سرکل آفیسر رانا مبشر نے جوڈیشل مجسٹریٹ کی موجودگی میں چھاپا مار کر پٹواری کنسالیڈیشن محمد صابر گل کو شہری سے 50 ہزار روپے رشوت وصول کرتے ہوئے موقع پر گرفتار کیا۔تھانہ اینٹی کرپشن اسٹیبلشمنٹ سیالکوٹ نے ملزم کے خلاف مقدمہ درج کر کے باقاعدہ تفتیش کا آغاز کر دیا ہے۔