پیرس (نیوز ڈیسک): فرانس کے جوہری طاقت سے چلنے والے طیارہ بردار بحری جہاز میں اچانک آگ بھڑک اٹھی، جس کے بعد جہاز پر ہنگامی حالت نافذ کر دی گئی۔ذرائع کے مطابق آتشزدگی کا واقعہ جہاز کے مخصوص حصے میں پیش آیا، جہاں سے شدید دھواں اٹھتے ہی فوری طور پر فائر فائٹنگ سسٹم کو متحرک کر دیا گیا۔ جہاز پر موجود عملے نے پیشہ ورانہ تدابیر اختیار کرتے ہوئے آگ پر قابو پانے کی کوششیں شروع کر دیں تاکہ کسی بڑے فنی یا سیکیورٹی نقصان سے بچا جا سکے۔ابتدائی اطلاعات کے مطابق واقعے میں کسی جانی نقصان کی اطلاع نہیں ملی ہے، جبکہ جہاز کے جوہری ری ایکٹر اور حساس دفاعی نظام کی حفاظت کو یقینی بنانے کے لیے فوری فنی معائنہ کیا جا رہا ہے۔ بحری حکام نے واقعے کی وجوہات جاننے کے لیے اعلیٰ سطحی تحقیقات کا حکم دے دیا ہے۔واضح رہے کہ فرانسیسی بحریہ کا جوہری طیارہ بردار جہاز ملک کے اہم ترین بحری و دفاعی اثاثوں میں شمار ہوتا ہے جو بین الاقوامی سمندری حددو میں مختلف مشنز پر تعینات رہتا ہے۔
