شیخوپورہ (بیوروچیف)
شیخوپورہ میں ایک دل دہلا دینے والا واقعہ سامنے آیا ہے جہاں ایک خاتون نے مبینہ طور پر اپنے ہی بچوں پر فائرنگ کرنے کے بعد خود کو گولی مار کر خودکشی کر لی۔تفصیلات کے مطابق یہ دردناک واقعہ شیخوپورہ کے علاقے میں پیش آیا، جہاں خاتون نے تلخ کلامی یا گھریلو ناچاقی کے باعث اپنے بچوں پر فائرنگ کی۔ بچوں کو نشانہ بنانے کے فوراً بعد خاتون نے اپنے آپ کو گولی مار کر اپنی زندگی کا خاتمہ کر لیا۔واقعے کی اطلاع ملتے ہی مقامی پولیس اور ریسکیو اہلکار موقع پر پہنچ گئے۔ لاشوں اور زخمیوں کو فوری طور پر طبی امداد اور قانونی کارروائی کے لیے قریب کے ہسپتال منتقل کر دیا گیا ہے۔پولیس نے واقعے کی جگہ سے شواہد اکٹھے کر کے تحقیقات کا آغاز کر دیا ہے تاکہ واقعے کے اصلی محرکات کا پتا لگایا جا سکے۔