اسلام آباد (نیوز ڈیسک):
آبنائے ہرمز میں بڑھتی ہوئی غیر یقینی صورتحال اور عالمی سطح پر توانائی کے درپیش خدشات کے پیشِ نظر پاکستان نے قطر سے 3 ایل این جی (LNG) کارگو حاصل کرنے کا فیصلہ کیا ہے۔ذرائع کے مطابق یہ فیصلہ ملک میں ایندھن کی باقاعدہ فراہمی کو یقینی بنانے اور سپلائی چین میں ممکنہ تعطل سے بچنے کے لیے پیشگی اقدام کے طور پر کیا گیا ہے۔ عالمی بحری راستوں بالخصوص آبنائے ہرمز کی صورتحال کے باعث توانائی کے ذخائر کو محفوظ بنانا ترجیح قرار دیا گیا ہے۔حکام کا کہنا ہے کہ قطر سے ایل این جی کارگوز کی درآمد سے پاور سیکٹر اور عام صارفین کے لیے گیس کی دستیابی برقرار رہے گی، جس سے ملکی سطح پر توانائی کے بحران سے نمٹنے میں مدد ملے گی۔