اسلام آباد (بے نقاب نیوز):
وفاقی دارالحکومت اسلام آباد میں ممکنہ احتجاج اور مارچ کے پیش نظر امن و امان کی صورتحال کو برقرار رکھنے کے لیے قانون نافذ کرنے والے اداروں کو جدید ترین سیکیورٹی آلات اور اینٹی رائٹ سامان سے لیس کر دیا گیا ہے۔سیکیورٹی ذرائع کے مطابق وفاقی پولیس، ایف سی اور رینجرز کے اہلکاروں کو جدید ترین آنسو گیس گنز، باڈی آرمر، ہیلمٹ اور اینٹی رائٹ شیلڈز فراہم کی گئی ہیں۔ اس کے علاوہ شہر کے تمام اہم داخلی و خارجی راستوں اور حساس مقامات کی نگرانی کے لیے سیف سٹی کے کیمروں کے ساتھ ساتھ جدید ڈرون کیمروں کا استعمال بھی کیا جا رہا ہے۔انتظامیہ کا کہنا ہے کہ ریڈ زون کی سیکیورٹی کو فول پروف بنانے کے لیے اضافی نفری تعینات کر دی گئی ہے اور کسی بھی ناخوشگوار واقعے یا اینٹی سوشل عناصر سے نمٹنے کے لیے قانون نافذ کرنے والے ادارے مکمل طور پر الرٹ ہیں۔ شہریوں کے جان و مال کے تحفظ اور قانون کی بالادستی کو ہر صورت یقینی بنایا جائے گا۔