ٹھٹھہ (بیوروچیف)
دھابیجی میں پولٹری فارم مالکان اور فیڈ ملرز کا ایک اہم اجلاس نجی ہوٹل میں منعقد ہوا، جس میں پولٹری شعبے سے متعلق مختلف امور، روزانہ کی بنیاد پر نرخوں کے تعین اور وزن میں کٹوتی کے مسائل پر تفصیلی غور و خوض کیا گیا۔
اجلاس میں غلام محمد خان، ماما غنی کلمتی، طارق عزیز، داد کریم، لعل بخش کولاچی، عمران یوسفزئی، خورشید خان، حبیب خان، میاں ولی، ملک اسلم، چوہدری ندیم اور خرم نواز سمیت پولٹری فارم مالکان اور متعلقہ افراد نے بڑی تعداد میں شرکت کی۔
-
روزانہ کی بنیاد پر پولٹری کے نرخ مقرر کرنے کے لیے ایک ریٹ کمیٹی قائم کی گئی، اور ملک نعیم کو اس کا صدر مقرر کیا گیا۔
-
خرید و فروخت کے وقت جاری موجودہ 3 پاؤ وزن کٹوتی کو ختم کر کے اس کی جگہ آدھا کلو وزن کٹوتی مقرر کرنے کی تجویز پر غور کیا گیا۔
-
پولٹری کے شعبے کو مزید منظم بنانے، فارم مالکان کے درمیان باہمی رابطہ مضبوط کرنے اور مشترکہ طریقہ کار اختیار کرنے پر زور دیا گیا۔
پولٹری فارم مالکان کا کہنا تھا کہ وزن میں کٹوتی اور قیمتوں کے حوالے سے ایک واضح اور یکساں پالیسی کا ہونا انتہائی ضروری ہے تاکہ تمام فریقین کے حقوق کا تحفظ ہو سکے۔