گوجرانوالہ: وزیراعلیٰ پنجاب مریم نواز شریف نے گوجرانوالہ کا دورہ کرتے ہوئے شہر میں الیکٹرو بس کے دو نئے روٹس کا افتتاح کر دیا ہے، جبکہ گوجرانوالہ ماس ٹرانزٹ پراجیکٹ کو آئندہ سال مارچ تک ہر صورت مکمل کرنے کی سخت ڈیڈ لائن دے دی ہے۔
دورے کے دوران وزیراعلیٰ نے گوجرانوالہ انسٹی ٹیوٹ آف کارڈیالوجی کی سائٹ کا معائنہ کیا اور اس کی تعمیر کا کام فوری طور پر شروع کرنے کی ہدایت کی۔ ماس ٹرانزٹ پراجیکٹ کے معائنے کے موقع پر گفتگو کرتے ہوئے مریم نواز شریف کا کہنا تھا کہ "عوام کی مشکلات کا بخوبی اندازہ ہے، اس لیے ماس ٹرانزٹ پراجیکٹ کی تکمیل میں اب مزید تاخیر کی کوئی گنجائش نہیں ہے۔”
گوجرانوالہ میں تعمیر ہوانے والامریم نواز انسٹی ٹیوٹ آف کارڈیالوجی: جدید طبی سہولیات کا شاہکار
ہے ۔۔یہ اسپتال 50 کنال اراضی پر تعمیر کیا جائے گا جس میں 268 بیڈز کی جدید ترین سہولت فراہم ہوگی۔
اسپتال میں ایمرجنسی، سی سی یو، آئی سی یو، اور 4 ماڈیولر آپریشن تھیٹرز شامل ہوں گے۔
دل کے امراض کے بہترین علاج کے لیے 3 ٹیسلا ایم آر آئی، الٹرا فاسٹ سی ٹی اسکینر، 2 سنگل پلین اور ایک بائی پلین انجیوگرافی کیتھ لیبز، گاما کیمرہ اور 4 ہارٹ لنگ مشینیں نصب کی جائیں گی۔
اسی طرح گوجرانوالہ کے شہریوں کے لیے پبلک ٹرانسفر کی بہتری کے لیے ابتدائی طور پر دو روٹس پر الیکٹرو بسیں چلانے کا آغاز کر دیا گیا ہے:
پہلا روٹ: چن دا قلعہ تا لوہیانوالہ
دوسرا روٹ: کھیالی تا جنیم نندی پور
حکام کے مطابق تعمیراتی کام مکمل ہونے کے بعد گوجرانوالہ میں مجموعی طور پر 74 الیکٹرو بسیں سڑکوں پر دوڑیں گی، جس سے شہریوں کو سفری سہولتوں میں زبردست آسانی ہوگی۔
دورے کے دوران وزیراعلیٰ مریم نواز نے ماس ٹرانزٹ پراجیکٹ کے انڈر پاس، ٹنل اور سڑکوں کا باریک بینی سے جائزہ لیا۔ اس دوران سڑک پر کمسن بچوں کو دیکھ کر انہوں نے اچانک اپنی گاڑی رکوا لی اور ننھے اسد اللہ اور اس کے ساتھی سے انتہائی شفقت سے ملاقات کی۔ وزیراعلیٰ نے بچوں کو پیار کیا اور انہیں اپنے ہاتھوں سے مٹھائیاں، پھل اور تحائف دیے۔