پشاور (انورزیب خان)
وزیراعلی خیبرپختونخوا محمد سہیل آفریدی حیات آباد ٹول پلازہ انڈر پاس کے افتتاح کے لیے حیات آباد آئے، جہاں کثیر تعداد میں کارکنان اور عوام نے ان کا شاندار استقبال کیا۔وزیراعلی 1.6 ٰارب روپے کی لاگت سے ریکارڈ 90 روز میں مکمل ہونے والے حیات آباد ٹول پلازہ انڈر پاس کا باضابطہ افتتاح کیا۔ اس اہم ترین منصوبے کی مجموعی لمبائی 500 میٹر جبکہ بیرل 130 میٹر طویل ہے، جس سے علاقے میں ٹریفک کے بہائو میں نمایاں بہتری آئے گی۔افتتاحی تقریب کے بعد وزیراعلیٰ حیات آباد یونیورسٹی روڈ سے ہوتے ہوئے تہکال تک سٹریٹ موومنٹ کی قیادت کی۔اس موقع پر صوبائی وزرا، اراکینِ اسمبلی اور پارٹی کی اعلی قیادت بھی ان کے ہمراہ تھی۔
