اسلام آباد: آئل اینڈ گیس ریگولیٹری اتھارٹی (اوگرا) نے ستمبر 2026ء کے لیے ری گیسی فائڈ لیکویفائیڈ نیچرل گیس (RLNG) کی قیمتوں میں 21.57 فیصد تک کی بڑی کمی کا اعلان کر دیا ہے۔ اوگرا کے جاری کردہ باضابطہ نوٹیفکیشن کے مطابق نئی قیمتوں کا اطلاق یکم ستمبر 2026ء سے ہوگا۔قیمتوں میں اس نمایاں کمی کی بنیادی وجہ قطر سے سستے ایل این جی کارگوز کی آمد ہے، جس کے باعث اوسط درآمدی لاگت اگست کے 12.12 ڈالر کے مقابلے میں کم ہو کر 10.06 ڈالر فی ایم ایم بی ٹی یو پر آ گئی ہے۔ایل این جی کی قیمتوں میں اس ہیر پھیر اور کمی سے بجلی کی پیداواری لاگت (Fuel Cost) میں کمی کی توقع کی جا رہی ہے۔
