ایشین گیمز: افغانستان نے جاپان کو 48 رنز سے شکست دے دی؛ عرب گل کی شاندار باؤلنگ

ایشین گیمز کے مردوں کے ٹی20 کرکٹ ٹورنامنٹ کے گروپ ‘اے’ کے پہلے میچ میں افغانستان نے شاندار باؤلنگ کی بدولت میزبان جاپان کو 48 رنز سے شکست دے کر ایونٹ میں فاتحانہ آغاز کر دیا ہے۔افغانستان کی بیٹنگ: جاپان نے ٹاس جیت کر پہلے باؤلنگ کا فیصلہ کیا۔ افغانستان نے مقررہ 20 اوورز میں 6 وکٹوں کے نقصان پر 129 رنز بنائے۔  محمد اکرم: 34 رنز (29 گیندیں، 2 چھکے، 2 چوکے)  درویش رسولی (کپتان): 29 رنز (27 گیندیں) محمد اسحاق: 25 ناٹ آؤٹ (17 گیندیں)کریم جنت: 21 رنز (23 گیندیں)جاپان کی جانب سے شوما شوگا-سلیٹر اور ابراہیم تاکاہاشی نے 2, 2 وکٹیں حاصل کیں۔جاپان کی اننگز اور افغان باؤلرز کی تباہ کاری: 130 رنز کے ہدف کے تعاقب میں جاپانی بیٹنگ لائن افغان اسپنرز کے سامنے ریت کی دیوار ثابت ہوئی اور پوری ٹیم 19.3 اوورز میں صرف 81 رنز پر ڈھیر ہو گئی۔ریو ساکورانو-تھامس: 23 رنز (24 گیندیں)   بینجمن ایٹو-ڈیوس: 17 رنز (8 گیندیں)  ینڈل کڈوواکی-فلیمنگ: 14 رنز (17 گیندیں)   افغانستان کے لیگ اسپنر عرب گل نے تباہ کن باؤلنگ کرتے ہوئے 4 اوورز میں 2 میڈن پھینکے اور محض 8 رنز دے کر 4 وکٹیں حاصل کیں۔ ننگیالیہ خروٹی نے 20 رنز کے عوض 3 وکٹیں جبکہ عبداللہ احمد زئی نے 2 وکٹیں حاصل کیں۔