تہران :ایرانی وزارتِ خارجہ کے ترجمان اسماعیل بقائی نے اعلان کیا ہے کہ ’پاکستان کے وزیرِ داخلہ محسن نقوی اتوار کو یعنی آج تہران کا دورہ کریں گے۔
بی بی سی اردو کے مطابق انھوں نے کہا کہ یہ دورہ دونوں ملکوں کے دوطرفہ تعلقات اور ماضی میں کیے گئے معاہدوں سے متعلق ملاقات پر مرکوز ہوگا۔
ان کا کہنا تھا کہ انھیں کسی ایسے مخصوص پیغام یا تجویز کے بارے میں علم نہیں جسے اس دورے کے دوران امریکا کی جانب سے پہنچایا جانا ہو۔
تاہم یہ ملاقات ایسے وقت ہو رہی ہے جب تہران نے واشنگٹن کے ساتھ مذاکرات دوبارہ شروع کرنے کے لیے شرائط عائد کر رکھی ہیں، جبکہ تنازعات جاری ہیں اور خطے میں کشیدگی بڑھ رہی ہے۔
