مٹیاری (رپورٹ: عامر علی انڑ)
ہالا / بھٹ شاہ: قومی شاہراہ پر ایک افسوسناک روڈ حادثے میں مسافر کوچ کی ٹکر سے راہگیر خاتون جاں بحق ہو گئی۔
تفصیلات کے مطابق خاتون سڑک کراس کر رہی تھی کہ تیز رفتار مسافر کوچ نے اسے شدید ٹکر مار دی۔ حادثے کے فوراً بعد شدید زخمی خاتون کو طبی امداد کے لیے بھٹ شاہ اسپتال منتقل کیا گیا، جہاں وہ زخموں کی تاب نہ لاتے ہوئے دورانِ علاج دم توڑ گئی۔
جاں بحق ہونے والی خاتون کی شناخت آشی زوجہ مکیش مینگھواڑ کے نام سے ہوئی ہے۔
واقعے کی اطلاع ملتے ہی پولیس نے موقع پر پہنچ کر حادثے میں ملوث مسافر کوچ کو اپنی تحویل میں لے کر قانون سازی و مزید کارروائی شروع کر دی ہے۔