سیاسی ہلچل، مریم نواز اور نواز شریف لاہور سے اسلام آباد روانہ: اہم ملاقاتیں متوقع

لاہور:پنجاب کی وزیراعلیٰ مریم نواز اور مسلم لیگ (ن) کے صدر نواز شریف ایک ہی خصوصی طیارے پر لاہور سے اسلام آباد کے لیے روانہ ہو گئے ہیں۔
باخبر ذرائع کے مطابق دونوں رہنماؤں کا یہ اچانک دورہ انتہائی اہمیت کا حامل ہے، جس کے دوران وفاقی دارالحکومت میں اہم سیاسی شخصیات سے ملاقاتیں اور ملک کی موجودہ سیاسی صورتحال پر اہم مشاورتی بیٹھکیں متوقع ہیں۔ حالیہ دنوں میں صوبوں کے قیام، پارلیمانی امور اور حکومت کے سیاسی فیصلوں کے تناظر میں ان کی یہ اسلام آباد روانگی سیاسی حلقوں کی توجہ کا مرکز بن گئی ہے۔