کمشنرکی ترقیاتی منصوبوں پر کام کی رفتار مزید تیز کرنے، معیار کو یقینی بنانے اور منصوبوں کی مسلسل مانیٹرنگ کی ہدایت
سرگودھا (راجہ نورالہی عاطف سے )
کمشنر سرگودھا ڈویژن حافظ شوکت علی کی زیرِ صدارت پی ایم یو لوکل گورنمنٹ کے پنجاب ڈویلپمنٹ پروگرام (پی ڈی پی) منصوبوں کی پیش رفت کا جائزہ لینے کے لیے اجلاس منعقد ہوا۔اجلاس میں جاری ترقیاتی کاموں، منصوبوں کی تکمیل کی رفتار اور درپیش مسائل کا تفصیلی جائزہ لیا گیا۔ کمشنر حافظ شوکت علی نے ترقیاتی منصوبوں پر کام کی رفتار مزید تیز کرنے، معیار کو یقینی بنانے اور منصوبوں کی مسلسل مانیٹرنگ کی ہدایت کی۔کمشنر نے کہا کہ عوامی فلاح کے منصوبوں کی بروقت تکمیل حکومت پنجاب کی ترجیحات میں شامل ہے۔ ترقیاتی منصوبوں میں حائل رکاوٹیں فوری دور کرتے ہوئے مقررہ اہداف کے مطابق کام مکمل کیا جائے۔