بلوچستان رحمت اللہ بلوچ بیوروچیف بے ناب نیوز)
کوئٹہ میں پیاز کی قیمت میں نمایاں اضافہ ہوگیا، فی کلو پیاز کی قیمت میں 40 روپے اضافے کے بعد 160 روپے سے بڑھ کر 200 روپے تک پہنچ گئی، جبکہ شہر کے بعض علاقوں میں پیاز 220 سے 250 روپے فی کلو تک فروخت ہونے لگی۔مارکیٹ ذرائع کے مطابق کوئٹہ میں پیاز کی قیمت میں اضافے کی بڑی وجہ مارکیٹ میں نئی فصل کی عدم دستیابی ہے۔ نئی فصل کی آمد میں تاخیر کے باعث سپلائی متاثر ہوئی ہے، جس کے نتیجے میں پیاز کی قیمتوں میں اضافہ دیکھنے میں آرہا ہے۔ذرائع کا کہنا ہے کہ شہر کے مختلف علاقوں میں پیاز کے نرخوں میں فرق پایا جارہا ہے، بعض علاقوں میں یہ 200 روپے جبکہ کچھ علاقوں میں 220 سے 250 روپے فی کلو تک فروخت کی جارہی ہے۔پیاز کی قیمت میں اضافے سے شہریوں پر مہنگائی کا مزید بوجھ پڑ گیا ہے، جبکہ روزمرہ استعمال کی اس بنیادی سبزی کے مہنگے ہونے سے گھریلو بجٹ بھی متاثر ہورہا ہے۔مارکیٹ ذرائع کے مطابق نئی فصل مارکیٹ میں آنے کے بعد پیاز کی سپلائی بہتر ہونے اور قیمتوں میں کمی کا امکان ہے۔ تاہم نئی فصل کی آمد تک قیمتوں میں اتار چڑھاؤ برقرار رہنے کا امکان ظاہر کیا جارہا ہے۔