بگ باس 20 کے لیے ایک بار پھر مختلف شعبوں سے مقابلہ کرنے والوں کا انتخاب کیا گیا ہے۔
حیدرآباد: بالی ووڈ سپر اسٹار سلمان خان کے مقبول ترین ٹی وی ریئلٹی شو بگ باس کا انتظار آخرکار ختم ہوگیا ہے۔ شرکاء یعنی کنٹسٹنٹ کے درمیان نوک جھونک، دوستی، یاری اور رومانس کے لیے مشہور اس شو کا 20واں سیزن شروع ہوگیا ہے۔ گزشتہ 6 ستمبر، اتوار کی رات بگ باس 20 کا پریمیئر پیش کیا گیا، جہاں سلمان خان نے ایک ایک کرکے گھر میں داخل ہونے والے 16 کنٹیسٹنٹس کو اسٹیج پر بلایا اور ناظرین سے متعارف کرایا۔
اس موقع پر اسٹیج پر مختلف پرفارمنس بھی پیش کی گئیں اور کچھ کنٹیسٹنٹس نے اپنی ڈانس پرفارمنس سے ناظرین کو محظوظ کیا۔ شو میں بھوجپوری اسٹار دنیش لال یادو عرف نرہوا اور منوج تیواری بھی بطور مہمان شریک ہوئے۔ دنیش لال یادو بھوجپوری اداکارہ آمرپالی دوبے کے ساتھ، جبکہ منوج تیواری اپنی بیٹی کے ہمراہ شو میں پہنچے۔
اب بگ باس 20 کا ونڈر لینڈ ہاؤس 16 کنٹیسٹنٹس سے بھر چکا ہے۔ اس بار بھی مختلف شعبوں سے تعلق رکھنے والی شخصیات کو شو کا حصہ بنایا گیا ہے، جن میں کئی ٹرینڈنگ شخصیات بھی شامل ہیں۔
بگ باس 20 کے 16 کنٹیسٹنٹس کے پروفائل
ماہی وِج اسٹار کنٹیسٹنٹ
ٹی وی کی معروف اداکارہ ماہی وِج نے شو میں سب سے آخر میں انٹری لی۔ وہ بگ باس کے سیزن 9 اور 13 میں بطور مہمان بھی نظر آچکی ہیں۔ ٹی وی اداکار جے بھانوشالی کی سابقہ اہلیہ ماہی نے کئی مشہور ٹی وی سیریلز میں کام کیا ہے، جن میں ’ششش… کوئی ہے، لاگی تجھ سے لگن اور نا آنا اس دیس لاڈو شامل ہیں۔
واضح رہے کہ رواں سال ماہی اور جے بھانوشالی نے باہمی رضامندی سے اپنی 14 سالہ شادی ختم کردی تھی۔ فی الحال ماہی اپنے بچوں کی پرورش اکیلے کر رہی ہیں۔انسٹاگرام فالوورز: 2.2 ملین ہیں۔