خوشاب (راجہ نورالہی عاطف سے)
چھ ستمبر یوم دفاع کی مناسبت سے
وطن عزیز کی حفاظت کے لیے لازوال قربانیاں دینے والے عظیم سپوتوں کو خراج تحسین پیش کرنے کے لیے اسسٹنٹ کمشنر تحصیل نور پورتھل شازیہ رحمان کی قیادت میں اے سی آفس سے ریلی نکالی گئی۔ جس میں محکمہء تعلیم ، محکمہ ویٹرنری ، زراعت ، میونسپل کمیٹی اور ریسکیو 1122 کے اہلکاران نے بھرپور شرکت کی۔ شرکاءے ریلی نے فلک شگاف نعرے لگا کر افواج پاکستان کو زبردست خراج تحسین پیش کیا۔ قبل ازیں ریسکیو 1122 کے چاق و چوبند دستے نے قومی پرچم کو سلامی بھی پیش کی۔