دہلی میں مسلمان خاتون صحافیوں پر حملے پر محبوبہ کا طنز، کہا۔۔امریکہ میں مسلمانوں سے متعلق بھاگوت کا دعویٰ کھوکھلا

 سابق وزیر اعلیٰ نے دہلی پولیس پر طنز کرتے ہوئے کہا کہ، مسئلہ اب صرف مسلمانوں کو انتہا پسند عناصر کی طرف سے نشانہ بنانے کا نہیں رہا۔

پی ڈی پی صدر نے کہا، "یہ اب صرف انتہا پسند ہجوم کی طرف سے مسلمانوں کو گائے کے ذبیحہ کے الزام میں ہلاک (لنچنگ) کرنے کا معاملہ نہیں ہے۔ یہ ان لوگوں سے متعلق ہے جو شہریوں کی حفاظت کے ذمہ دار ہیں، پھر بھی جو مبینہ طور پر اقلیتوں کو مارنے، تذلیل کرنے اور دھمکانے کے لیے اپنے اختیار کا استعمال کرتے ہیں۔”

انہوں نے مزید کہا، "جب محافظ حملہ آوروں میں بدل جاتے ہیں، تو خوف ہجوم سے نہیں بلکہ خود نظام سے پیدا ہوتا ہے۔”

واضح رہے، قومی دارالحکومت میں ایک واقعہ سامنے آیا ہے جس میں دہلی پولیس کی جانب سے دو آزاد خاتون صحافیوں شاہین خان اور نفیسہ خان کے ساتھ مبینہ طور پر بدسلوکی کی گئی تھی۔ یہ مسلم خاتون صحافی دہلی کے ساکیت میں ایک نجی اسپتال میں ایک نئے ونگ کے افتتاح کی کوریج کر رہی تھیں۔ میڈیا تنظیموں نے اس واقعہ پر غم و غصے کا اظہار کیا ہے۔