سیالکوٹ (سلیم احمد اعوان شیخو)
سوشل سکیورٹی ہسپتال ڈسکہ روڈ سیالکوٹ کی ری ویمپنگ اور اپ گریڈیشن کے منصوبے کے افتتاح پر صوبائی وزیر محنت و افرادی قوت پنجاب محمد منشاء اللہ بٹ نے خطاب کرتے ہوئے کہا کہ حکومت پنجاب مزدوروں اور صنعتی کارکنوں کو بہترین طبی سہولیات کی فراہمی کے لئے عملی اقدامات کر رہی ہے اور سوشل سکیورٹی ہسپتال کی اپ گریڈیشن اسی سلسلے کی ایک اہم کڑی ہے۔ سیالکوٹ کی صنعتی برادری اور محنت کش طبقہ ملکی معیشت میں ریڑھ کی ہڈی کی حیثیت رکھتا ہے۔ حکومت کی ترجیح ہے کہ فیکٹری ورکرز اور ان کے اہل خانہ کو علاج معالجے کی جدید، معیاری اور بروقت سہولیات میسر ہوں۔ وزیراعلیٰ پنجاب مریم نواز شریف کے ویژن کے مطابق مزدوروں کی فلاح و بہبود اور انہیں صحت کی معیاری سہولیات کی فراہمی حکومت کی اولین ترجیحات میں شامل ہے۔ سوشل سکیورٹی کے اداروں کو مزید مؤثر اور جدید بنانے کے لیے تمام ممکنہ وسائل بروئے کار لائے جا رہے ہیں۔
مزدوروں کی فلاح و بہبود دراصل ملکی معیشت کی مضبوطی ہے اور حکومت صنعتی کارکنوں کو درپیش مسائل کے حل کے لیے تمام متعلقہ اداروں کے ساتھ مل کر کام کر رہی ہے