فیصل آباد (بیوروچیف بے نقاب نیوزسردارملک فہدسرور)
نیشنل ینگ لیڈرز سمٹ 2026 کے سلسلے میں ملک بھر سے نوجوان رہنماں نے مختلف پارلیمانی، تربیتی، ثقافتی اور آگاہی سرگرمیوں میں شرکت کی۔ پانچ روزہ سمٹ کا مقصد نوجوانوں کو پارلیمانی نظام، قانون سازی اور قومی اداروں کے کردار سے روشناس کرانا تھا۔ اس اہم قومی سرگرمی میں ڈویژن فیصل آباد سے تعلق رکھنے والے نوجوان سردار ملک فہد سرور نے بھی شرکت کی اور سمٹ میں ڈویژن فیصل آباد کی نمائندگی کی۔ سمٹ کے دوران نوجوان رہنماں کے وفد نے پاکستان انسٹیٹیوٹ برائے پارلیمنٹری سروسز ، اسلام آباد اور سینیٹ آف پاکستان کا دورہ بھی کیا، جہاں شرکا کو پارلیمانی نظام، قانون سازی اور قومی اداروں کے طریقہ کار کے حوالے سے آگاہ کیا گیا۔ ینگ پارلیمنٹرین لیڈرز کے وفد نے صدر نوید احمد خان کی قیادت میں خیبر پختونخوا اسمبلی کا بھی دورہ کیا۔ اس موقع پر وفد کے اجلاس کی صدارت خیبر پختونخوا اسمبلی کے اسپیکر بابر سلیم سواتی نے کی۔ پاکستان انسٹیٹیوٹ برائے پارلیمنٹری میں تربیتی سیشن کے دوران پاکستان انسٹیٹیوٹ برائے پارلیمنٹری سروسزکے ڈائریکٹر جنرل قانون سازی محمد مفذول ذکا مہمان خصوصی سینیٹر و سابق ڈپٹی چیئرمین سینیٹ، مرزا محمد افریدی، ایگزیکٹو ڈائریکٹرپاکستان انسٹیٹیوٹ برائے پارلیمنٹری سروسز عاصم خان گورائیہ،اسسٹنٹ ڈائریکٹر ریسرچ (پاکستان انسٹیٹیوٹ برائے پارلیمنٹری سروسز تنزیل الرحمان،ڈپٹی ڈائریکٹر قانون سازی پاکستان انسٹیٹیوٹ برائے پارلیمنٹری سروسز عبدالنبی سولنگی،اسسٹنٹ ڈائریکٹر قانون سازی پاکستان انسٹیٹیوٹ برائے پارلیمنٹری سروسز فکیہہ محمود، نوید احمد خان صدر ( وائی ایل پی) نے شرکا ء سے خصوصی خطاب کیا اور قانون سازی کے عمل اور پارلیمانی امور کے مختلف پہلوں پر گفتگو کی۔ بعد ازاں وزیراعلی ہاس خیبر پختونخوا میں صوبائی وزیر اطلاعات و سائنس و ٹیکنالوجی شفی جان سے ملک بھر سے آئے نوجوان رہنماں کے وفد کی خصوصی ملاقات ہوئی، جس میں نوجوان قیادت اور قومی معاملات میں نوجوانوں کے کردار پر تبادلہ خیال کیا گیا۔ سمٹ کے دوران نتھیاگلی کے ایک نجی ریسٹورنٹ میں کے پی آئی ٹی بی کے ڈائریکٹر کے ساتھ خصوصی سیشن بھی منعقد ہوا، جبکہ شرکا کے لیے ایک ثقافتی پروگرام بھی ترتیب دیا گیا، جس میں پورے پاکستان سے آئے ہوئے نوجوانوں نے ثقافت اور روایات کو اجاگر کیا۔ سمٹ کی اختتامی تقریب ایبٹ آباد کے ایک نجی ریسٹورنٹ میں منعقد ہوئی، جس میں خیبر پختونخوا کی معروف شخصیات نے شرکت کی۔ تقریب کے اختتام پر شرکا میں سرٹیفکیٹس اور تحائف بھی تقسیم کیے گئے۔ سردار ملک فہد سرور کا کہنا تھا کہ ایسے پروگرام نوجوانوں کو پارلیمانی نظام اور قانون سازی کے عمل کو قریب سے سمجھنے کا موقع فراہم کرتے ہیں اور نوجوان قیادت کی صلاحیتوں کو نکھارنے میں اہم کردار ادا کرتے ہیں۔ نیشنل ینگ لیڈرز سمٹ 2026 نوجوانوں کے لیے سیکھنے، مختلف علاقوں کے نوجوانوں سے رابطے، پارلیمانی نظام کو قریب سے سمجھنے اور اپنی قیادتی صلاحیتوں کو بہتر بنانے کا ایک اہم پلیٹ فارم ثابت ہوا۔