پسروررپورٹ محمد اشفاق
گورنمنٹ ڈگری کالج فار ویمن پسرور میں گزشتہ چار سال سے کمپیوٹر لیب کو تالا لگا ہوا ہے، جس کے باعث طالبات جدید کمپیوٹر تعلیم اور عملی تربیت کی بنیادی سہولت سے محروم ہیں۔
طالبات اور والدین نے تشویش کا اظہار کرتے ہوئے کہا ہے کہ موجودہ دور میں کمپیوٹر تعلیم انتہائی اہمیت اختیار کر چکی ہے، مگر کالج میں موجود کمپیوٹر لیب طویل عرصے سے بند پڑی ہے۔ طالبات کو عملی کلاسز اور کمپیوٹر سے متعلق ضروری تربیت کے لیے مشکلات کا سامنا ہے۔
طالبات اور والدین نے اعلیٰ حکام سے مطالبہ کیا ہے کہ کمپیوٹر لیب کو فوری طور پر فعال کیا جائے، ضروری سامان اور سہولیات فراہم کی جائیں اور طالبات کو جدید تعلیمی تقاضوں کے مطابق کمپیوٹر تعلیم کی سہولت فراہم کی جائے۔اور اس لاپرواہی پر ذمہ دارین کے خلاف سخت محکمانہ کاروائی عمل میں لائی جاۓ
طالبات اور والدین نے ہائیرایجوکیشن ڈپارٹمنٹ ۔ڈائریکٹرکالجز ۔ وزیرتعلیم پنجاب اور وزیراعلی پنجاب سے اس لاپرواہی میں ذمہ داران کے خلاف نوٹس لینے کا مطالبہ بھی کیا ہے