سیالکوٹ۔سلیم احمد اعوان شیخو
پاکستان میں کینیڈا کے سفیر (ہائی کمشنر) طارق علی خان نے اپنی ٹیم کے ہمراہ سیالکوٹ چیمبر آف کامرس کا دورہ کیا۔ چیمبر کے صدر سید احتشام مظہر گیلانی سئنیر نائب صدر میاں مراد ارشد نائب صدر سلیمان شیخ نے طارق علی خان کا استقبال کیا جبکہ طارق علی خان نے سیالکوٹ کے ممتاز ایکسپورٹرز اور صنعت کاروں سے خطاب کیا۔اپنے خطاب میں انہوں نے سیالکوٹ کی صنعتی ترقی، اعلیٰ معیار کی مصنوعات اور عالمی برآمدات میں مقامی تاجروں کے کردار کو سراہا۔ انہوں نے پاکستان اور کینیڈا کے درمیان دوطرفہ تجارتی روابط کو مزید مضبوط بنانے اور باہمی تعاون کے نئے مواقع تلاش کرنے پر زور دیا۔اجلاس میں حسن اقبال،شجاعت علی شاہ صدر پاکستان لیدر گارمنٹس، زوہیب خان کینڈا ایمبیسی، خرم اورنگزیب شاہ، صائم،حاجی طارق، عابد علی،خیام شیخ، بلال خان، عتیق شیخ، حسیب طاہر، طارق ملک سیکرٹری، احمر خان، اظہر ڈار، تجمل سچل، عامر وائیں،بھی موجود تھےاس موقع پر چیمبر کے عہدیداران نے معزز مہمان کو سیالکوٹ کی برآمدی مصنوعات بالخصوص اسپورٹس سامان، سرجیکل آلات اور لیدر گڈز کی پیداوار اور عالمی منڈیوں میں ان کی طلب سے آگاہ کیا۔ اجلاس میں دونوں ممالک کے درمیان تجارتی حجم میں اضافے اور بزنس ٹو بزنس (B2B) روابط کو فروغ دینے کے عزم کا اعادہ کیا گیا۔
تقریب کے اختتام پر چیمبر کی قیادت کی جانب سے کینیڈین ہائی کمشنر کو یادگاری شیلڈ بھی پیش کی گئی۔
سیالکوٹ (سلیم احمد اعوان شیخو)امیر جماعت اسلامی ضلع سیالکوٹ چوہدری امتیاز احمد بریار نے کہا ہے کہ ملک بھر کی طرح سیالکوٹ میں بھی پٹرولیم مصنوعات پر لیوی بھتہ ٹیکس کے خلاف سیالکوٹ میں بھی شٹر ڈاؤن ہڑتال ہو گی اس سلسلے میں جماعت کے وفود نے تاجر تنظیمات سے ملاقات کی ہے اور انہوں نے جماعت کے مطالبات لیوی بھتہ ٹیکس کے خاتمہ آئی پی پیز کے معاہدوں پر نظر ثانی ،بجلی اور گیس اور روٹی کی قیمت کم کرنے اور لوڈ شیڈنگ کے خاتمہ کے مطالبات کو عوامی مطالبہ قرار دیا اور ان مطالبات کی حمایت کی۔
