مٹیاری رپورٹ عامر علی انڑ
مٹیاری کی تعصیل ہالا میں مہنگائی اور پٹرولیم مصنوعات پر لیوی ٹیکس عائد کرنے کے خلاف جماعت اسلامی کی کال پر مکمل شٹر ڈاؤن ہڑتال کی گئی، جس کے باعث شہر کے اہم کاروباری مراکز اور دکانیں بند رہیں
ہالا کے مرکزی کاروباری علاقوں مارکیٹ، طارق روڈ، شاہی بازار، باگڑی بازار، درگاہ روڈ، اللہ والا چوک، تھلہ روڈ، مہاجر چوک، جت ناکہ اور ہالا پرانا ناکہ سمیت مختلف علاقوں میں کاروباری سرگرمیاں معطل رہیں۔اس موقع پر جماعت اسلامی ضلع مٹیاری کے امیر فقیر محمد لاکھو کی قیادت میں باب النوح گیٹ کے مقام پر احتجاجی مظاہرہ کیا گیا، جس میں جماعت اسلامی کے کارکنوں اور شہریوں نے شرکت کی۔
مظاہرین نے مہنگائی میں اضافے اور پٹرولیم مصنوعات پر لیوی ٹیکس عائد کرنے کے خلاف شدید نعرے بازی کی۔ اس موقع پر مقررین کا کہنا تھا کہ بڑھتی ہوئی مہنگائی نے عوام کی مشکلات میں اضافہ کر دیا ہے۔مظاہرین نے مطالبہ کیا کہ حکومت عوام کو فوری ریلیف فراہم کرے، پٹرولیم مصنوعات پر عائد اضافی ٹیکسز پر نظرثانی کی جائے اور بڑھتی ہوئی مہنگائی پر قابو پانے کے لیے مؤثر اقدامات کیے جائیں..