بلوچستان رحمت اللہ بلوچ بیوروچیف بے نقاب نیوز)
ضلعی انتظامیہ قلات اور محکمہ جنگلات کے زیر اہتمام مون سون شجرکاری مہم کے سلسلے میں شجرکاری تقریب کا انعقاد ڈپٹی کمشنر کمپلیکس میں محکمہ جنگلات کے دفتر میں کیا گیا۔تقریب میں ڈپٹی کمشنر قلات انجینیئر عائشہ زہری، ریج فاریسٹ آفیسر حبیب الرحمن لہڑی، ایس ڈی او وائلڈ لائف شیر محمد مینگل، ڈپٹی ڈائریکٹر لائیو اسٹاک عبدالفتاح، ڈپٹی ڈائریکٹر فوڈ محمدیونس بلوچ ڈپٹی رینجر نذیر احمد نیچاری سمیت محکمہ جنگلات کے دیگر افسران و اہلکاروں نے شرکت کی اور پودے لگائے۔
اس موقع پر ریج فاریسٹ آفیسر حبیب الرحمن لہڑی نے ڈپٹی کمشنر انجینیئر عائشہ زہری کو مون سون شجرکاری مہم کے حوالے سے تفصیلی بریفنگ دی۔ انہوں نے بتایا کہ محکمہ جنگلات کی جانب سے سال 2026 کے دوران ضلع قلات میں 5,000 پودے تقسیم کیے جا رہے ہیں، جنہیں مختلف علاقوں میں لگایا جائے گا۔شجر کاری تقریب کے دوران بچیوں نے ڈپٹی کمشنر کو پھولوں کے گلدستے پیش کی اور چادربھی پہنائی۔اس موقع پر ڈپٹی کمشنر قلات انجینیئر عائشہ زہری نے کہا کہ ماحولیاتی آلودگی پر قابو پانے، قدرتی ماحول کو بہتر بنانے اور آنے والی نسلوں کو صاف و صحت مند ماحول فراہم کرنے کے لیے زیادہ سے زیادہ شجرکاری ناگزیر ہے۔ ہر شہری کم از کم ایک پودا ضرور لگائے اور اس قومی و سماجی ذمہ داری میں اپنا بھرپور کردار ادا کرے۔درخت نہ صرف ماحول کو خوبصورت بناتے ہیں بلکہ آلودگی کے خاتمے، موسم میں بہتری اور قدرتی توازن برقرار رکھنے میں بھی اہم کردار ادا کرتے ہیں۔ ضلعی انتظامیہ قلات شجرکاری مہم کو کامیاب بنانے کے لیے محکمہ جنگلات کے ساتھ ہر ممکن تعاون جاری رکھے گی۔