سیالکوٹ (سلیم احمد اعوان شیخو)
ڈپٹی کمشنر سیالکوٹ اویس مشتاق کی ہدایت پر اسسٹنٹ کمشنر سیالکوٹ صفدر شبیر کی زیر نگرانی غیر قانونی منی پٹرول پمپوں کے خلاف کریک ڈاؤن جاری ہے جس کے دوران علاقہ محلہ رنگ پورہ میں کارروائی کرتے ہوئے تین غیر قانونی پٹرول پمپس سربمہر کر دیئے گئے ہیں جبکہ دو پٹرول مشینیں قبضے میں لے لی گئیں۔
کارروائی کے دوران غیر قانونی طور پر پٹرول فروخت کرنے کے الزام میں تین مقدمات بھی درج کرائے گئے۔ ڈسٹرکٹ آفیسر سول ڈیفنس فرحانہ عزیز اور پیرا فورس کی ٹیم بھی کارروائی کے دوران اسسٹنٹ کمشنر سیالکوٹ کے ہمراہ تھی۔ ڈپٹی کمشنر اویس مشتاق نے شہریوں کی جان و مال کے تحفظ اور غیر قانونی کاروبار کے خاتمے کے لئے کارروائیاں بلاامتیاز جاری رکھنے کی ہدایت کی .