سکھر ( رپورٹ/ عبد الرحمان راجپوت )
سکھر ڈائریکٹر سول ڈیفنس سندھ ریاض حسین لغاری اور ڈپٹی کمشنر و کنٹرولر سول ڈیفنس سکھر نادر شہزاد خان کی ہدایات پر اسسٹنٹ کمشنر سکھر میڈم بشرہ منصور، ڈپٹی چیف وارڈن سول ڈیفنس سکھر ڈاکٹر سعید اعوان اور انچارج آفیسر سول ڈیفنس میاں جھانگیر عباسی نے چلڈرن ہسپتال سکھر اور ایس آئی سی وی ڈی ہسپتال کا دورہ کیا۔دورے کے دوران دونوں ہسپتالوں میں فائر سیفٹی ایس او پیز، ہنگامی صورتحال سے نمٹنے کے انتظامات، فائر سیفٹی آلات اور حفاظتی اقدامات کا تفصیلی جائزہ لیا گیا۔ سول ڈیفنس کی ٹیم نے مختلف حفاظتی انتظامات کا معائنہ کیا، جس کے دوران دونوں ہسپتالوں میں فائر سیفٹی ایس او پیز پر بہترین انداز میں عمل درآمد پایا گیا۔اس موقع پر پوسٹ وارڈن محمود احمد اور انچارج آفیسر فائر سیفٹی لالا ریحان پٹھان ڈپٹی پوسٹ وارڈن احسن راجپوت فرسٹ ایڈ کے پوسٹ وارڈن عبد الرحمان راجپوت بھی موجود تھے۔سول ڈیفنس حکام نے ہسپتال انتظامیہ کی جانب سے فائر سیفٹی ایس او پیز پر بہتر انداز میں عمل درآمد اور حفاظتی اقدامات کو سراہا اور اس عزم کا اظہار کیا کہ محفوظ سکھر کے لیے فائر سیفٹی اور ایمرجنسی سیفٹی کے حوالے سے معائنوں، آگاہی اور تربیتی سرگرمیوں کا سلسلہ جاری رکھا جائے گا۔