چنیوٹ (فرحان بلال سے) 12
ربیع الاول کے موقع پر انجمن رضائے مصطفی کے زیر اہتمام جشن عید میلاد النبیﷺ کا مرکزی جلوس جامع مسجد کھوکھرانوالی سے برآمد ہو کر اپنے مقررہ راستوں سے گزرتا ہوا میلاد چوک میں پہنچ کر اختتام پذیر ہوا جلوس کی قیادت انجمن رضائے مصطفی کے رہنماوں صاحبزادہ ملک ظہیر الدین,مولانا محمد نعیم الدین کھوکھر،صاحبزادہ خواجہ معین الدین,حاجی شوکت حیات گولڑوی ، منیر اصغر چغتائی ، مصعب رجوکہ ایڈووکیٹ و دیگر نے کی جلوس میں شہر و دیہات کے سینکڑوں عاشقان مصطفی نے جوش و خروش سے شرکت کی مختلف مقامات پر شہریوں کی جانب سے عاشقان مصطفی کا پھولوں کی پتیوں سے استقبال کیا گیا عاشقان مصطفی کی جانب سے درود و سلام کے نذرانے پیش کئے گئے جلوس انتظامیہ کی جانب سے 88 ویں قدیمی مرکزی جلوس کے منتظمین نے ضلعی انتظامیہ کے تمام محکموں کا بہترین اور مثالی انتظامات پر شکریہ ادا کیا ۔