سیالکوٹ۔سلیم احمد اعوان شیخو
گھریلو ناچاقی کی بناء پر بیوی کے بال کاٹنے والے شوہر کو پولیس نے گرفتار کر لیا ہے۔۔ بتایا گیا ہے کہ تھانہ صدر ڈسکہ کے علاقہ میں ایک خاتون نے پولیس ریسکو 15 پر فون کر کے مطلع کیا کہ اس کے شوہر نے اس پر بیہمانہ تشدد کرنے کے ساتھ ساتھ اس کے سر کے بال کاٹ دئیے ہیں تو پولیس ریسکو 15 کے انچارج نے اس بارے میں ڈسٹرکٹ پولیس آفیسر سیالکوٹ کیپٹن (ر) دوست محمد کو آ گاہ کیا تو ڈسٹرکٹ پولیس آفیسر نے واقعہ کا نوٹس لیتے ہوئے فوری قانونی کارروائی کے احکامات جاری کر دئیے تو پولیس تھانہ صدر ڈسکہ اور ورچوئل وویمن پولیس اسٹیشن کی انچارج نے اپنی ٹیم کے ہمراہ کارروائی کرتے ہوئے متاثرہ خاتون کے شوہر کو گرفتار کر لیا۔پولیس متاثرہ خاتون کی درخواست پر کارروائی کرتے ہوئے اس کے شوہر کے خلاف گھریلو ناچاقی پر بیوی کو تشدد کا نشانہ بنانے اور اس کے بال کاٹنے کے الزامات کی بناء پر مقدمہ درج کر کے تفتیش شروع کر دی ہے۔