پاکپتن (رپورٹ:اکرام حسین شاہ)
پاکپتن کے تھانہ چک بیدی کے علاقے نانک پور میں اٹھارہ سالہ نوجوان سے مبینہ بداخلاقی کا افسوسناک واقعہ سامنے آیا ہے۔ متاثرہ نوجوان کے والد کی مدعیت میں احمد اور اسد کے خلاف تھانہ چکبیدی میں مقدمہ درج کر لیا گیا ہیوی اومقدمے کے مطابق دونوں نامزد ملزمان مبینہ طور پر نوجوان کو بہلا پھسلا کر اپنے گھر کے ڈرائنگ روم میں لے گئے، جہاں اس کے ساتھ باری باری بداخلاقی کی گئی۔ متاثرہ خاندان کے مطابق ملزمان نے مبینہ بداخلاقی کے دوران نازیبا ویڈیو بھی بنائی، جسے وائرل کرنے کی دھمکیاں دے کر نوجوان کو مختلف طریقوں سے بلیک میل کیا جا رہا ہے واقعے کی اطلاع ملنے پر تھانہ چک بیدی پولیس نے فوری کارروائی کرتے ہوئے ایک نامزد ملزم کو گرفتار کر لیا، جبکہ دوسرا ملزم تاحال فرار ہے۔ پولیس کی جانب سے مفرور ملزم کی گرفتاری کے لیے مختلف مقامات پر چھاپے مارے جا رہے ہیں۔متاثرہ نوجوان کے والد نے آر پی او ساہیوال اور ڈی پی او پاکپتن جاوید اقبال چدڑ سے مطالبہ کیا ہے کہ دونوں نامزد ملزمان کو گرفتار کرکے واقعے کی شفاف اور میرٹ پر تحقیقات کی جائیں، جبکہ جرم ثابت ہونے پر ملزمان کو قانون کے مطابق سخت سزا دی جائے۔متاثرہ خاندان کا کہنا ہے کہ نازیبا ویڈیو کے نام پر مبینہ بلیک میلنگ اور دھمکیوں کا بھی فوری نوٹس لیا جائے اور انہیں انصاف فراہم کیا جائے۔