لندن +نیویارک:عالمی منڈی میں جمعرات کو ابتدائی کاروبار کے دوران تیل کی قیمتیں مستحکم رہیں، جبکہ سرمایہ کار امریکا اور ایران کے درمیان جنگ کے امکانات، امن مذاکرات اور آبنائے ہرمز کے ذریعے تیل کی ترسیل کی صورتحال کا جائزہ لے رہے ہیں۔
برینٹ خام تیل کے اکتوبر کے لیے سودے 25 سینٹ یا 0.3 فیصد اضافے سے 91.87 ڈالر فی بیرل پر پہنچ گئے۔ امریکی ویسٹ ٹیکساس انٹرمیڈیٹ (ڈبلیو ٹی آئی) خام تیل کے ستمبر کے سودے 2 سینٹ کمی سے 85.81 ڈالر فی بیرل رہے، جبکہ زیادہ فعال اکتوبر ڈبلیو ٹی آئی کنٹریکٹ 14 سینٹ یا 0.2 فیصد اضافے کے ساتھ 84.53 ڈالر فی بیرل پر آگیا۔
امریکا میں گزشتہ ہفتے خام تیل کے ذخائر توقعات کے برعکس 4.4 ملین بیرل بڑھ گئے، جبکہ ماہرین نے 600,000 بیرل کمی کی پیش گوئی کی تھی۔
