سیالکوٹ ۔سلیم احمد اعوان شیخو
سیشن عدالت سے بداخلاقی کا جرم ثابت نہ ہونے پر ملزم کو ضمانت پر رہائی مل گئی۔بتایا گیا ہے کہ ایڈیشنل سیشن جج سیالکوٹ سجاد افضل کی عدالت میں تھانہ پھوکلیان کے علاقہ کاہلیاں کے رہائشی محمد انور کے خلاف مذکورہ تھانہ درج زنا کے مقدمہ کی درخواست ضمانت بعد از گرفتاری زیر سماعت تھی۔فاضل جج نے محمد انور کے وکیل محمد اکرم چٹھہ کے دلائل سننے کے بعد محمد انور کی درخواست ضمانت منظور کرتے ہوئے اس کو رہا کرنے کا حکم دے دیا۔وکیل محمد اکرم چٹھہ نے بتایا کہ مقدمہ میں جو دفعہ لگائی گئی ہے وہ سراسر غلط ہے جبکہ مقدمہ کی مدعیہ بلقیس اختر کا میڈیکل بھی نہ کرایا گیا اور نہ مدعیہ نے محمد انور کی جانب سے زنا کرتے وقت کوئی شور شرابا کیا۔فاضل جج نے مذکورہ وکیل کے دلائل سننے کے بعد درخواست ضمانت منظور کر لی۔