چکوال: مہتاب نصیر اعوان سے
ضلع چکوال میں بھی ماہِ ربیع الاول کا آغاز ہوتے ہی جشنِ عید میلاد النبی ﷺ کی تیاریاں عروج پر پہنچ چکی ہیں۔ شہر بھر میں جگہ جگہ سٹالز سج گئے ہیں، جہاں جشنِ میلاد کے حوالے سے مختلف اشیاء دستیاب ہیں اور عاشقانِ رسول ﷺ کی جانب سے خریداری کا سلسلہ بھی جاری ہے۔ جشنِ میلاد النبی ﷺ کی آمد کے ساتھ ہی بازاروں میں بھی رونقیں بڑھ گئی ہیں، شہری اپنے گھروں، گلیوں اور محلوں کو سجانے کے لیے مختلف اشیاء خرید رہے ہیں۔ شہر بھر میں جشنِ عید میلاد النبی ﷺ کے حوالے سے مختلف اشیاء سجائی گئی ہیں اور شہری اپنی پسند کی چیزیں خریدنے میں مصروف ہیں۔ سٹال پر سبز جھنڈیاں، بیجز، ٹوپیاں، برقی قمقمے اور دیگر آرائشی سامان موجود ہے، جبکہ شہریوں کی آمد کا سلسلہ بھی جاری ہے۔ بازاروں میں سجے یہ خوبصورت سٹالز جہاں شہر کی رونق میں اضافہ کر رہے ہیں، وہیں عاشقانِ رسول ﷺ کی جانب سے جشنِ میلاد کی تیاریوں اور خریداری کا سلسلہ بھی بھرپور انداز میں جاری ہے۔