لاہور: چوہنگ کے علاقے برکت کالونی میں پسند کی شادی سے پیدا ہونے والے تنازع پر پیش آنے والے افسوسناک واقعے میں 5 افراد جاں بحق ہو گئے۔ پولیس کے مطابق مبینہ ملزم عمران شوکت نے سسرال میں داخل ہو کر گولیاں چلائیں اور بعد ازاں خود کو گولی مار کر جان سے گیا۔
پولیس کے مطابق ملزم کے خلاف لڑکی کے اہلخانہ کی جانب سے پہلے ہی مقدمہ درج تھا اور وہ ضمانت پر رہا ہو کر آیا تھا۔ پولیس کا کہنا ہے کہ ملزم نے سسرال پہنچ کر فائرنگ کی، جس کے نتیجے میں اس کی اہلیہ سمیہ بی بی، ساس شمائلہ، سسر علی اور سالے ذیشان جاں بحق ہوئے۔ پولیس کے مطابق واقعے میں 40 سالہ شمائلہ زوجہ محمد علی بھی متاثر ہوئی تھیں، جنہیں طبی امداد کے لیے جناح اسپتال منتقل کیا گیا جہاں دو دم توڑ گئی
واقعے کی اطلاع ملتے ہی پولیس کی بھاری نفری موقع پر پہنچ گئی اور جائے وقوعہ کو محفوظ بنا کر شواہد اکٹھے کرنے کا عمل شروع کر دیا۔ جاں بحق افراد کی میتیں قانونی کارروائی کے لیے تحویل میں لے لی گئی ہیں۔ پولیس کا کہنا ہے کہ واقعے کے محرکات، سابقہ مقدمے اور ملزم کے اقدام سمیت تمام پہلوؤں کا جائزہ لیا جا رہا ہے، جبکہ مزید حقائق تفتیش مکمل ہونے کے بعد سامنے آئیں گے۔
پسند کی شادی کا افسوسناک انجام، داماد کی اندھا دھند فائرنگ ، 5 افراد کو م وت کے گھاٹ اتار کر خودکشی کرلی
