ریاض+لندن: ایران مریکا کی جانب سے عارضی جنگ بندی میں توسیع کو مسترد کیے جانے سے عالمی توانائی کی سپلائی کے خدشات میں اضافہ ہوا ہے۔
ایرانی حکام کے مطابق امریکا کے ساتھ مستقل جنگ بندی کے لیے مذاکرات میں پیش رفت رکنے کے بعد تہران اپنی فوجی حکمت عملی کو مکمل جارحانہ رخ دے گا۔ اس صورتحال کے باعث آبنائے ہرمز سے تیل بردار جہازوں کی آمدورفت بھی معمول پر نہیں آسکی۔
برینٹ خام تیل کے اکتوبر کے سودے 27 سینٹ یا 0.3 فیصد اضافے سے 91.14 ڈالر فی بیرل پر پہنچ گئے۔ پیر کو برینٹ کی قیمت 30 جولائی کے بعد بلند ترین سطح پر پہنچ گئی تھی۔ امریکی ویسٹ ٹیکساس انٹرمیڈیٹ (ڈبلیو ٹی آئی) خام تیل 42 سینٹ اضافے سے 85.04 ڈالر فی بیرل ہوگیا، جبکہ سیشن کے دوران یہ 85.37 ڈالر تک بھی پہنچا، جو 31 جولائی کے بعد بلند ترین سطح ہے۔
