سبی سے بے نقاب نیوز کے ڈسڑکٹ رپوٹر محمداسلم خجک کی رپوٹ
سبی// زمیندار ایکشن کمیٹی ضلع سبی کے چیئرمین سردار ابراہیم خان باروزئی کی سربراہی میں تمام دیہات کے زمیندار جس میں چیئرمین محمد حسین خجک، ملک فقیر محمد مرغزانی، ملک معیم خان خجک، ملک ہزار خان خجک، ملک ریاض رند، اسد خان سیلاچی، ملک شاہ محمد مندوانی، سردار صمد نو دھانی، نوروز خان مرغزانی، سردار انور لونی،جلیل احمد رند،محمد انور دہپال،ملک عزیز خان لالو زئی، وڈیرا بشیر ہاڑا،ملک سکندر صافی،حاجی جبار خجک،ملک گل محمد خجک، حاجی خان سیلاچی،محمد صلاح سیلاچی اور سینکڑوں ضلع سبی کی زمینداروں کا کھاد کی بندش کے حوالے سے شدید احتجاج۔اگر کھاد پر لگائی گئی بندش ختم نہ کی گئی تو ہماری کروڑوں روپے کی فصل تباہ اور برباد ہو جائیں گی زمینداروں کی دہائی۔ کھاد کی فراہمی اگر یقینی نہ بنائی گئی تو 25 سے 30 ہزار ایکڑ پر کھڑی کپاس کی فصل تباہ ہو جائے گی۔رجسٹرڈ زمینداروں کو کھاد کی فراہمی کی بندش حکومت کے لیے سوالیہ نشان ہے۔زمینداروں کا مطالبہ ہے کہ ضلعی اور صوبائی حکومت ایک طریقے کار کے تحت زمینداروں کو کھاد کی فراہمی یقینی بنائیں۔ احتجاج میں سینکڑوں زمینداروں نے شرکت کی اور ڈپٹی کمشنر سبی کے دفتر کے باہر دھرنا دیا۔ڈپٹی کمشنر سبی اور اسسٹنٹ کمشنر سبی کی زمینداروں کے ساتھ دھرنے میں آ کر مذاکرات جلد کوئی حل نکالنے کی یقین دہانی۔زمیندار ایکشن کمیٹی ضلع سبی نے واضح پیغام دیا کہ اگر جلد کھاد کی فراہمی یقینی نہ بنائی گئی تو احتجاج کا دائرہ بڑھایا جائے گا۔