مکہ مشترکہ دفاعی معاہدے پر حوصلہ افزائی کا شکریہ ، پاکستان خطے کے دفاع میں کردار ادا کرتا رہے گا، شہباز شریف

اسلام آباد :وزیراعظم شہباز شریف نے مکہ مشترکہ دفاعی معاہدے پر امریکی صدر ڈونلڈ ٹرمپ کی حمایت اور حوصلہ افزائی پر ان کا شکریہ ادا کرتے ہوئے کہا ہے کہ پاکستان، برادر ملک سعودی عرب اور ترکی کے ساتھ مل کر اپنے ممالک اور پورے خطے کے دفاع کو یقینی بنانے میں تعمیری کردار ادا کرتا رہے گا۔
وزیراعظم شہباز شریف نے اپنے بیان میں کہا کہ ’مکہ مشترکہ دفاعی معاہدے پر دستخط کے حوالے سے صدر ڈونلڈ ٹرمپ کے حوصلہ افزا کلمات پر میں ان کا تہہ دل سے شکر گزار ہوں۔‘
وزیراعظم نے صدر ٹرمپ کی ’جرأت مندانہ اور فیصلہ کن قیادت‘ کو ایک بار پھر سراہتے ہوئے کہا کہ ان کی قیادت نے جنوبی ایشیا میں جوہری تباہی کو ٹالنے اور لاکھوں انسانی جانوں کو بچانے میں مدد دی۔
انہوں نے کہا کہ پائیدار امن ہماری اقوام کے روشن اور خوشحال مستقبل کے لیے سب سے بنیادی اور ناگزیر شرط ہے۔