مورو (رپورٹ: محمد اسلم مغل)
شاہپور جہانیاں کے قریب ننگر مکان کے پاس نامعلوم مسلح افراد نے نوجوان منظور ڈاہری سے موٹر سائیکل، نقد رقم، موبائل فون اور دیگر سامان چھین لیا اور فرار ہو گئے۔تفصیلات کے مطابق منظور ڈاہری میڈیکل اسٹور بند کر کے شاہپور جہانیاں سے اپنے گاؤں راج محمد ڈاہری جا رہا تھا کہ راستے میں ڈاکوؤں نے اسے روک کر لوٹ لیا۔واقعے کے بعد پرائیویٹ اسکول ایسوسی ایشن تعلقہ مورو کے صدر پروفیسر محمد خان ڈاہری اور ڈاکٹر غلام حیدر ڈاہری نے احتجاج کرتے ہوئے کہا کہ شاہپور جہانیاں اور گرد و نواح کے علاقے جرائم کا گڑھ بن چکے ہیں۔ روزانہ ڈکیتیاں، چوریاں اور راہزنی کی وارداتیں ہو رہی ہیں لیکن پولیس خاموش تماشائی بنی ہوئی ہے۔انہوں نے آئی جی سندھ پولیس، ڈی آئی جی شہید بینظیرآباد اور ایس ایس پی نوابشاہ سے مطالبہ کیا کہ ملزمان کو فوری گرفتار کر کے قرار واقعی سزا دی جائے اور منظور ڈاہری سے چھینی گئی موٹر سائیکل، موبائل اور نقدی برآمد کروائی جائے۔ بصورت دیگر وہ احتجاج کا دائرہ وسیع کریں گے