دیربالا(بیورو چیف ریاض ابوالخیل)
جشن آزادی کے سلسلے میں پولیس ہیڈکوارٹر دیر بالا میں ایک پروقار تقریب کا انعقاد کیا گیا، جس میں ریجنل پولیس آفیسر ملاکنڈ سید فدا حسن شاہ نے بطور مہمان خصوصی شرکت کی اور قومی پرچم لہرایا۔ تقریب میں ڈپٹی کمشنر دیر بالا منظور احمد آفریدی، ایس پی انویسٹی گیشن محمد الیاس خان ڈی ایس پی فخر عالم خان، قومی مشر ان اقوام سلطان خیل وفایندہ خیل سابقہ وفاقی وزیر نجم الدین خان سابقہ صوبائی وزیر ملک جہانزیب خان سابقہ ایم پی اے ملک بہرام خان سابقہ ایم پی اے صا حبزادہ ثناء اللہ قومی مشر ملک شیر بہادر بہادر مسلم لیگ ن ضلع صدر محمد نثار وردگ سیاسی و سماجی علمائے کرام صحافی برادری شخصیات سمیت دیگر پولیس افسران و جوانوں نے شرکت کی۔پولیس کے چاق و چوبند دستے نے قومی پرچم کو سلامی پیش کی، جبکہ وطن عزیز کی سلامتی، استحکام، ترقی و خوشحالی اور امن و امان کے لیے خصوصی دعائیں کی گئیں۔اس موقع پر ریجنل پولیس آفیسر ملاکنڈ سید فدا حسن شاہ نے دوبندو آپریشن دیر بالا میں شدت پسندوں اور دہشت گردوں کے خلاف نہاگدرہ تحصیل واڑی کارو درہ سلطان خیل وفایندہ خیل عشیری درہ لرجم براول حیاگے دیر خاص کے غیور عوام نے اپنی مٹی میں امن کے تحفظ کے لئے تاریخ رقم کر دی یہ عوامی اتحاد اس بات کا واضح ثبوت ہے کہ دیر کے عوام اپنی سرزمین پر بد امنی اور دہشت گرد ی کو کسی صورت برداشت نہیں کر یں گے دوران دہشت گردوں کا ڈٹ کر مقابلہ کرنے والے پولیس افسران و جوانوں سے خصوصی ملاقات کی، ان کی بہادری، شجاعت اور فرض شناسی کو سراہتے ہوئے شاباش دی اور نمایاں کارکردگی پر انہیں توصیفی سرٹیفکیٹس سے نوازا۔
