افغانستان کے صوبے بدخشاں کے دارالحکومت فیض آباد کے میئر ایک بم دھماکے میں ہلاک ہوگئے۔
فرانسیسی خبر ایجنسی کے مطابق فیض آباد کے میئر حبیب الرحمٰان منصور کی گاڑی کو بم کے ذریعے نشانہ بنایا گیا جس میں جان سے ہاتھ دھو بیٹھے۔
بلدیہ کے ایک ملازم نے نام ظاہر نہ کرنے کی شرط پر بتایا کہ میئر کو ان کے دفتر کے قریب نصب کیے گئے بم سے ہلاک کیا گیا۔
برطانیہ میں قائم خبر رساں ادارے افغانستان انٹرنیشنل کے مطابق افغان قومی مزاحمتی فرنٹ (این آر ایف) نے حملے کی ذمہ داری قبول کرتے ہوئےکہا ہےکہ کارروائی میں میئر کےگارڈ میں مارے گئے۔
فرانسیسی خبر ایجنسی کے مطابق 2 ہفتے قبل اسی علاقے میں بدخشاں کے محکمہ اطلاعات و ثقافت کے سربراہ ذبیح اللہ امیری کو گولی مار کر ہلاک کردیا گیا تھا، تاہم اس حملے کی ذمہ داری داعش خراسان نے قبول کی تھی۔