خوشاب (راجہ نورالہی عاطف سے)
تحصیل نورپور تھل ضلع خوشاب میں جشنِ آزادی کے سلسلہ میں ڈی ای او ایلیمنٹری سکولز ضلع خوشاب فیض الحسن ملک اورڈپٹی ڈی ای او تحصیل نورپورتھل ظہیر عباس بھٹی کی زیرنگرانی منعقدہ ادبی مقابلہ جات میں گورنمنٹ ایلیمنٹری سکول ظفرآباد رنگپور کے طلبہ نے شاندار کارکردگی کا مظاہرہ کرتے ہوئے متعدد نمایاں پوزیشنیں حاصل کرلیں، جس پر اساتذہ کرام، والدین اور اہلِ علاقہ نے خوشی کا اظہار کرتے ہوئے طلبہ اور سکول انتظامیہ کو مبارکباد پیش کی ہے۔تفصیلات کے مطابق تحصیل سطح پر منعقدہ ادبی مقابلوں میں گورنمنٹ ایلیمنٹری سکول ظفرآباد رنگپور بگھور کے طلبہ نے مقابلہ حسنِ قرأت، نعت خوانی، ملی نغمہ اور مضمون نویسی میں بھرپور حصہ لیا۔ مقابلہ حسنِ قرأت میں محمد فضیل نے پہلی جبکہ محمد جلیل نے دوسری پوزیشن حاصل کی۔ اسی طرح مقابلہ نعت خوانی میں محمد جلیل نے پہلی اور محمد فضیل نے دوسری پوزیشن حاصل کرکے اپنی صلاحیتوں کا لوہا منوایا۔
اس کے علاوہ سکول کے طلبہ نے مقابلہ ملی نغمہ اور مقابلہ مضمون نویسی میں بھی دوسری پوزیشنیں حاصل کرکے ادارے کی تعلیمی و ہم نصابی سرگرمیوں میں بہترین کارکردگی کا سلسلہ برقرار رکھا۔
اہلِ علاقہ اور تعلیمی حلقوں نے گورنمنٹ ایلیمنٹری سکول ظفرآباد رنگپور کے طلبہ کی شاندار کامیابی پر اسسٹنٹ ایجوکیشن آفیسر رنگپور بگھور ملک محمد امتیاز نسیم ، ہیڈماسٹر ملک عابد اقبال ،انچارج بزم ادب پروگرام ملک خالدندیم راہداری ، اساتذہ، والدین اور طلبہ کو دلی مبارکباد دی ۔