مٹیاری رپورٹ عامر علی انڑ
مٹیاری کی تعصیل نیو سعید آباد اور اس کے گردونواح میں بدامنی کا راج بدستور قائم ہے جبکہ پولیس کی مبینہ نااہلی کے باعث اسٹریٹ کرائمز اور چوری کی وارداتیں روز کا معمول بن چکی ہیں تفصیلات کے مطابق آج جمعرات کے روز علی الصبح فجر کی نماز کے بعد گاؤں عیسیٰ خاصخیلی کے رہائشی اور ریٹائرڈ فوجی وزیر علی خاصخیلی جب گرڈ اسٹیشن بکر جمالی کے سامنے اپنی پرچون کی دکان پر پہنچے، تو وہاں پہلے سے گھات لگائے نامعلوم نقاب پوش مسلح ملزمان نے انہیں روک لیا ملزمان نے وزیر علی خاصخیلی سے موٹر سائیکل چھیننے کی کوشش کی اور مزاحمت کرنے پر ان پر سیدھی فائرنگ کر دی۔ خوش قسمتی سے وہ فائرنگ میں محفوظ رہے، جس کے بعد مسلح ملزمان ان سے موٹر سائیکل اور 2 عدد موبائل فون چھین کر باآسانی فرار ہونے میں کامیاب ہو گئے متاثرہ دکاندار وزیر علی خاصخیلی نے میڈیا سے گفتگو کرتے ہوئے کہا کہ پولیس کی نااہلی اور پراسرار خاموشی کے باعث نیو سعید آباد کے شہری اور دیہی علاقوں کے عوام خود کو غیر محفوظ سمجھ رہے ہیں۔ نیو سعید آباد تھانے پر ہماری داد رسی کرنے والا کوئی نہیں انہوں نے آئی جی سندھ، ڈی آئی جی حیدرآباد ریجن اور ایس ایس پی مٹیاری عبدالعلیم خان بلو سے مطالبہ کیا ہے کہ علاقے میں امن و امان قائم کر کے شہریوں کو تحفظ فراہم کیا جائے اور ان سے چھینی گئی موٹر سائیکل اور موبائل فونز فوری طور پر برآمد کروائے جائیں۔