سیالکوٹ۔سلیم احمد اعوان شیخو
سوشل میڈیا پر وائرل ویڈیو میں شہری پر تشدد کے معاملہ پر ڈسٹرکٹ پولیس آفیسر سیالکوٹ نے فوری نوٹس پر پولیس نے مقدمہ درج کر تشدد کرنے والے افراد کو گرفتار کر لیا۔بتایا گیا ہے کہ تحصیل پسرور کے تھانہ سبز پیر کے علاقہ شاہ پور میں ایک شخص محمد اسحاق ولد نذیر احمد راجپوت پر کچھ افراد نے بہیمانہ تشدد کیا اور تشدد کی وڈیو سوشل میڈیا پر وائرل کر دی۔ڈسٹرکٹ پولیس آفیسر سیالکوٹ کیپٹن ریٹائرڈ دوست محمد نے وڈیو وائرل ہونے پر تشدد کا شکار ہونے والے شخص کو طلب کر کے اس کو مدعی بنا کر تشدد کرنے والے افراد کے خلاف مقدمہ درج کروا دیا۔پولیس نے مقدمہ کے اندراج کے بعد تشدد کرنے والے 5 افراد کو گرفتار کر لیا ہے جبکہ دیگر افراد جو تشدد کرنے میں ملوث تھے ان کی گرفتاری کے لئے چھاپے مارے جا رہے ہیں۔