نوابشاہ(نمائندہ بے نقاب نیوز نفیس آرائیں)
ملک میں کمر توڑ مہنگائی کے خلاف جماعت اسلامی شعبہ خواتین جماعت اسلامی حلقہ خواتین سندھ کی صوبائی ناظمہ رخشندہ منیب نے حکومت کو کڑی تنقید کا نشانہ بنایا،نواب شاہ پریس کلب میں ضلعی ذمہ داران کے ہمراہ پریس کانفرنس کرتے ہوئے کہا کہ جماعت اسلامی شعبہ خواتین ملک گیر مہنگائی کے خلاف میدان میں اگئیں، ضلعی ذمہ داران کے ہمراہ پریس کانفرنس کرتے ہوئے جماعت اسلامی حلقہ خواتین سندھ کی صوبائی ناظمہ رخشندہ منیب کا کہنا تھا کہ ملک میں سالانہ تقریباً 14 فیصد مہنگائی نے عوام کا جینا محال کر دیا ہے۔ مہنگائی کے باعث عام آدمی تعلیم اور علاج جیسی بنیادی سہولتوں سے بھی محروم ہو چکا ہے۔صوبائی ناظمہ نے حکومت پر سخت تنقید کرتے ہوئے کہا کہ پیٹرولیم لیوی کی آڑ میں عوام کی جیبوں پر 1800 ارب روپے کا ڈاکہ ڈالا جا رہا ہے۔ پیٹرول، بجلی اور گیس کی قیمتوں میں مسلسل اضافہ غریب دشمنی کا منہ بولتا ثبوت ہے، جس کی وجہ سے دیہاڑی دار طبقے کے لئے دو وقت کی روٹی اور بچوں کی فیسیں پوری کرنا ناممکن ہو گیا ہے۔رخشندہ منیب نے اعلان کیا کہ امیرِ جماعت اسلامی حافظ نعیم الرحمن کی اپیل پر مہنگائی کے اس ظلم کے خلاف کل 7 اگست کو ملک گیر احتجاج کیا جائے گا، جس میں خواتین بھی بھرپور شرکت کریں گی۔