اٹک :(ڈسٹرکٹ رپورٹرسیدانعام علی کاظمی سے)
تربیلا ڈیم میں پانی کی آمد میں مسلسل اضافے کا سلسلہ جاری ہے، جس کے باعث ڈیم کی سطح بلند ہو کر 1522.11 فٹ تک پہنچ گئی ہے۔ گزشتہ 24 گھنٹوں کے دوران پانی کی سطح میں 3 فٹ اضافہ ریکارڈ کیا گیا جبکہ ڈیم اپنی مجموعی گنجائش کا 72 فیصد بھر چکا ہے۔تازہ اعداد و شمار کے مطابق تربیلا ڈیم میں پانی کی آمد 3 لاکھ 40 ہزار کیوسک جبکہ اخراج 2 لاکھ 62 ہزار کیوسک ریکارڈ کیا گیا۔ ڈیم میں اس وقت 4.044 ملین ایکڑ فٹ () پانی ذخیرہ ہے۔دریائے سندھ کے مختلف مقامات پر صبح 6 بجے کے اعداد و شمار کے مطابق اسکردو میں 1 لاکھ 77 ہزار 200 کیوسک، بنجی میں 2 لاکھ 51 ہزار 800 کیوسک، بیشام میں 3 لاکھ 10 ہزار 500 کیوسک، تربیلا ان فلو 3 لاکھ 36 ہزار کیوسک جبکہ تربیلا سے اخراج 2 لاکھ 65 ہزار 500 کیوسک ریکارڈ کیا گیا۔ نوشہرہ کے مقام پر دریائے کابل میں 74 ہزار 600 کیوسک اور خیرآباد کے مقام پر دریائے سندھ میں 2 لاکھ 81 ہزار 100 کیوسک پانی بہہ رہا ہے۔گزشتہ 24 گھنٹوں کے دوران تربیلا میں 0.95 انچ، بیشام میں 0.80 انچ اور اسکردو میں 0.06 انچ بارش ریکارڈ کی گئی، جبکہ اوگی میں 2 ملی میٹر بارش ہوئی۔
بجلی کی پیداوار کے حوالے سے تربیلا پاور ہاؤس کے تمام 17 یونٹس فعال رہے اور گزشتہ 24 گھنٹوں کے دوران 116.068 ملین کلو واٹ آور بجلی پیدا کی گئی۔
گزشتہ سال 24 جولائی 2025 کے مقابلے میں اس سال ڈیم میں پانی کی سطح 1530 فٹ کے مقابلے میں 1522.11 فٹ ہے، جبکہ ذخیرہ آب 4.603 ملین ایکڑ فٹ کے مقابلے میں اس وقت 4.044 ملین ایکڑ فٹ ریکارڈ کیا گیا ہے۔