کیچ:نمائندہ بے نقاب نیوز
ساؤتھ بلوچستان پیکیج کے تحت زیر تعمیر بلیدہ تا عبدوئی باڈر سڑک کی تعمیر کا کام تاخیر کا شکار،کام کی رفتار نہایت سست ضلع کیچ کے تحصیل بلیدہ سے لیکر نوانو وعبدوئی باڈر تک تقریباً 30سے 50 کلومیٹر سڑک ہے جو ساؤتھ بلوچستان پیکج کے تحت تقریباً 8ارب ارب روپیہ کی لاگت سے 2021میں منظور ہوا تھا۔دوسال قبل اس منصوبے پر کام کا آغاز ہوا مگر کام کی رفتار نہایت سست ہے اور کئی کئی مہینوں تک کام روکا جاتا ہےجسکی وجہ سے ناصرف اہلیان علاقہ شدید مشکلات و پریشانی کا شکار ہیں بلکہ یہ سڑک زامران کے کئی دیہاتوں کو بلیدہ و ضلع کیچ تک ملانے میں آسانی پیدا کرتا ہے۔سڑک کی تعمیر نہایت سست ہونے سے علاقے کی لوگوں میں شدید تشویش پائی جاتی ہے۔اہلیان علاقہ نے بلوچستان حکومت اور محکمہ بی اینڈ آر،صوبائی وزیر منصوبہ بندی وترقیات سمیت دیگر حکام بالا سے مطالبہ کیاکہ وہ بلیدہ تا عبدوئی زیر تعمیر سڑک کے کام کی رفتار سست اور بار بار تعطل کا نوٹس لیں اور سڑک کی تعمیر کو جلد یقینی بنائیں۔کیونکہ علاقے میں کئی دیگر سرکاری منصوبوں پر کام جاری ہے لہذا سڑک جو علاقہ وعوام کی اہم وبنیادی ضرورت ہے اسکی تاخیر سمجھ سے بالاتر ہے۔