اٹک(سیدانعام علی کاظمی سے)
ڈپٹی کمشنر اٹک مدثر احمد شاہ نے دفعہ 144 کے تحت ضلع اٹک میں دریائے سندھ،غازی بروتھا ہائیڈرو پاور چینلز، بیراجوں، ڈیموں، نہروں، نالوں، تالابوں، ڈسٹری بیوٹریز اور ڈرینز میں نہانے، تیراکی، کشتی رانی اور چھلانگیں لگانے سمیت آبی گزرگاہوں کے کناروں پر کھیلنے پر پابندی عائد کر دی ہے۔پابندی کا اطلاق 23 جولائی سے 21 اگست 2026ء تک 30 دن کے لیے ضلع اٹک کی حدود میں ہوگا۔ متعلقہ اداروں کو حکم پر سختی سے عملدرآمد یقینی بنانے کی ہدایت کی گئی ہے۔