دیر بالا(بیورو چیف ریاض ابوالخیل)
ڈسٹرکٹ پولیس آفیسر دیر بالا اسلم نواز () نے موجودہ سیکیورٹی صورتحال کے پیش نظر شڑمائی اور پتاو بانڈہ کے معزز مشران کے ساتھ ڈی پی او آفس دیر بالا میں اہم جرگہ منعقد کیا۔ جرگے میں ایس ڈی پی او سرکل دیر مشرف خان، ایس ایچ او تھانہ دیر سٹی عمران خان اور علاقہ مشران نے شرکت کی۔
جرگے میں امن و امان، عوامی تحفظ، درپیش سیکیورٹی چیلنجز اور باہمی تعاون کے فروغ پر تفصیلی تبادلہ خیال کیا گیا۔ ڈی پی او دیر بالا نے عوامی تعاون کو پائیدار امن کے قیام کے لیے ناگزیر قرار دیتے ہوئے مؤثر اقدامات جاری رکھنے کے عزم کا اظہار کیا، جبکہ مشران نے پولیس اور سیکیورٹی فورسز کے ساتھ مکمل تعاون جاری رکھنے کی یقین دہانی کرائی۔ جرگے کے اختتام پر ملک و قوم کے امن، سلامتی اور خوشحالی کے لیے خصوصی دعا کی گئی۔