سانگھڑاشفاق سلہری سے
پاکستان پیپلز پارٹی کی مرکزی سیکریٹری اطلاعات شازیہ مری نے کھاہی، سانگھڑ میں ڈکیتی کے دوران ہونے والے بہیمانہ قتل کے واقعے کی شدید الفاظ میں مذمت کرتے ہوئے اسے ایک افسوسناک اور ناقابلِ برداشت سانحہ قرار دیا ہےشازیہ مری نے مقتول کے اہلِ خانہ سے دلی تعزیت اور مکمل یکجہتی کا اظہار کرتے ہوئے کہا کہ پاکستان پیپلز پارٹی اس دکھ کی گھڑی میں متاثرہ خاندان کے ساتھ کھڑی ہے اور انہیں انصاف کی فراہمی یقینی بنائی جائے گی۔پولیس ایف آئی آر کے اندراج کے لیے کارروائی کر رہی ہے اور واقعے میں ملوث ملزمان کی گرفتاری کے لیے تمام ضروری اقدامات کیے جا رہے ہیں۔ شازیہ مری نے اس افسوسناک واقعے پر وزیراعلیٰ سندھ سے رابطہ کیا ہے اور واقعے کی مکمل تفصیلات سے آگاہ کرتے ہوئے ملزمان کی جلد گرفتاری اور شفاف تحقیقات کی ضرورت پر زور دیا ہے۔انہوں نے متاثرہ خاندان کو یقین دلایا کہ انہیں ہر ممکن تعاون اور مدد فراہم کی جائے گی۔ اس سنگین جرم میں ملوث عناصر کو ہر صورت قانون کے کٹہرے میں لایا جائے گا اور انہیں قانون کے مطابق سخت سزا دلوائی جائے گی ایسے سفاک جرائم کسی بھی صورت برداشت نہیں کیے جا سکتے۔ حکومت سندھ اور قانون نافذ کرنے والے ادارے پوری سنجیدگی کے ساتھ کارروائی کر رہے ہیں، اور متاثرہ خاندان کو انصاف کی فراہمی ہر صورت یقینی بنائی جائے گی